شنگھائی: (رائیٹ ناؤنیوز) چین کی کمپنی برین کو نے برین ٹو روبوٹ انٹرفیس ٹیکنالوجی تیار کی ہے۔ یہ ٹیکنالوجی انسانی خیالات سے روبوٹس کو کنٹرول کرنے کی صلاحیت فراہم کرتی ہے۔

یہ سسٹم ای ای جی ہیڈ سیٹس کے ذریعے کام کرتا ہے، جو انسانی دماغی سرگرمیوں کو روبوٹس کو ہدایات دینے میں استعمال کرتے ہیں۔ یہ ٹیکنالوجی جدید آرٹی فیشل انٹیلی جنس (AI) الگورتھمز پر انحصار کرتی ہے۔

برین کو نے شنگھائی میں ورلڈ آرٹی فیشل انٹیلی جنس کانفرنس میں اس سسٹم کو متعارف کرایا۔ کمپنی کے مطابق یہ سسٹم روبوٹیک بازو اور دیگر ڈیوائسز سے بھی منسلک کیا جا سکتا ہے۔

یہ ٹیکنالوجی روبوٹس کو خود کار طور پر کام کرنے کی صلاحیت فراہم کرتی ہے، جس سے انسانوں کی مدد ممکن ہوتی ہے۔ کمپنی کے مطابق، AI کے شعبے میں یہ ایک اہم پیشرفت ہے۔

یاد رہے کہ برین کمپیوٹر انٹرفیس (BCI) ٹیکنالوجی پر مختلف ممالک میں کام جاری ہے، جو خیالات کے ذریعے ڈیوائسز سے بات چیت کو ممکن بناتی ہے۔