نیویارک: (رائیٹ ناؤ نیوز) گوگل انٹرنیٹ کا سب سے مقبول سرچ انجن ہے جہاں روزانہ 9 ارب کے قریب سرچز کی جاتی ہیں۔ 7 جولائی کو فیفا ورلڈکپ 2026 کے ایک میچ کے دوران گوگل سرچ کا نیا ریکارڈ قائم ہوا۔

گوگل کے مطابق ارجنٹینا اور مصر کے درمیان راؤنڈ آف 16 کے میچ کے دوران عالمی طور پر سب سے زیادہ سرچز کی گئیں۔ ارجنٹینا کے فیصلہ کن گول کے بعد گوگل کی تاریخ میں سب سے زیادہ ٹریفک ریکارڈ کیا گیا۔

گوگل نالج اینڈ انفارمیشن کے سربراہ نک فوک نے کہا کہ اس دن ارجنٹینا کے گول کے بعد سرچز کی تعداد نے 28 سالہ ریکارڈ توڑ دیا۔ کمپنی نے اعداد و شمار تو نہیں بتائے مگر کہا کہ فی سیکنڈ ریکارڈ سرچز ہوئیں۔

یہ لمحہ ایسا تھا جب لگ رہا تھا کہ دنیا بھر میں صرف ایک ہی چیز سرچ ہو رہی ہے۔ فٹبال ورلڈکپ کا اختتام اسپین کی جیت پر ہوا جس نے ارجنٹینا کو فائنل میں شکست دی۔

یاد رہے کہ اسپین کی ٹیم 16 برس بعد دوسری بار چیمپئن بنی ہے۔ اس نے دفاعی چیمپئن ارجنٹینا کو فائنل میں ایک صفر سے ہرا کر جیت حاصل کی۔