لاہور: (رائیٹ ناؤنیوز) نئی سائنسی تحقیق نے انکشاف کیا ہے کہ کھانے کے اوقات ہماری صحت پر اہم اثر ڈالتے ہیں۔ اسپین میں ہونے والی تحقیق کے مطابق دوپہر کا کھانا جلدی کھانے والے افراد نے وزن میں زیادہ کمی کی۔

طبی ماہرین کے مطابق جسم کی اندرونی گھڑی، سرکیڈین ردھم، کھانے کے ہضم ہونے پر اثرانداز ہوتی ہے۔ اسپین اور برطانیہ کے کھانے کے اوقات میں فرق انکشافات کو ثابت کرتا ہے۔

ماہرین نے بتایا کہ کھانے کے اوقات موٹاپے، خون میں شکر کی سطح اور میٹابولزم پر اثر ڈالتے ہیں۔ دیر سے کھانا کھانے والوں میں خون کی شکر اور انسولین کی سطح متاثر ہو سکتی ہے۔

واضح رہے کہ تحقیق میں شامل 1200 افراد کے نتائج نے بتایا کہ جلدی کھانا کھانے سے دل کی صحت بہتر ہوتی ہے اور موٹاپے کا خطرہ کم ہوتا ہے۔

یاد رہے کہ ماہرین نے رات کا کھانا سونے سے 3 گھنٹے پہلے کھانے کا مشورہ دیا ہے تاکہ جسم کی قدرتی گھڑی کے مطابق کھانا ہضم ہو سکے۔