لاہور: (رائیٹ ناؤ نیوز) پنجاب بورڈ آف ٹیکنیکل ایجوکیشن نے سالانہ امتحانات 2026 کے نتائج کا اعلان کر دیا ہے۔ مختلف پروگرامز میں کامیابی کا مجموعی تناسب اطمینان بخش رہا، جبکہ نمایاں پوزیشن حاصل کرنے والے طلبہ و طالبات کے نام جاری کر دیے گئے ہیں۔

اعلان کردہ نتائج کے مطابق میٹرک ٹیک میں کامیابی کا تناسب 73.73 فیصد اور میٹرک ووکیشنل میں 73.93 فیصد رہا۔ میٹرک ووکیشنل (ہیئرنگ امپئیرڈ) میں کامیابی کا تناسب 87.13 فیصد ریکارڈ کیا گیا۔

ڈی اے ای سِنو پاک ڈوئل ڈگری پروگرام کے فرسٹ ایئر میں کامیابی کا تناسب 84.17 فیصد جبکہ سیکنڈ ایئر میں 65 فیصد رہا۔ پوزیشن ہولڈرز کے نام بھی جاری کر دیے گئے ہیں۔

چیئرمین پنجاب بورڈ آف ٹیکنیکل ایجوکیشن ڈاکٹر فیصل محمود نے کامیاب طلبہ کو مبارکباد دی ہے۔ انہوں نے کہا کہ نمایاں کارکردگی دکھانے والے طلبہ کے اعزاز میں جلد میڈل ایوارڈ تقریب منعقد کی جائے گی۔

یاد رہے کہ پنجاب بورڈ آف ٹیکنیکل ایجوکیشن مختلف تکنیکی اور ووکیشنل پروگرامز کے امتحانات منعقد کرتا ہے جو کہ روزگار کے مواقع فراہم کرنے میں معاون ثابت ہوتے ہیں۔