اسلام آباد: (رائیٹ ناؤ نیوز) محکمہ موسمیات نے اسلام آباد اور پنجاب میں مزید بارش کی پیشگوئی کی ہے۔ کراچی سمیت سندھ کی ساحلی پٹی پر بوندا باندی کا امکان ظاہر کیا گیا ہے۔ گلگت بلتستان کے ضلع دیامر میں سیلابی ریلوں نے شدید تباہی مچائی ہے۔ وادی نیاٹ، لوشی اور دیگر علاقوں میں بارش سے نقصان ہوا ہے۔ گینی کے مقام پر سیلاب کے باعث شاہراہِ قراقرم ٹریفک کے لیے بند کردی گئی ہے۔ چترال میں سیلاب سے متاثرہ علاقوں میں بحالی کا کام جاری ہے۔ واضح رہے کہ حالیہ بارشوں نے ملک کے مختلف علاقوں میں مشکلات پیدا کی ہیں۔