امریکہ: (رائیٹ ناؤ نیوز) معروف ہدایتکار کرسٹوفر نولن کی نئی فلم ‘دی اوڈیسی’ امریکی سینما گھروں میں ریلیز ہو گئی۔ یہ دنیا کی پہلی مکمل آئی میکس فارمیٹ پر شوٹ کی گئی فلم ہے، جس نے ناظرین میں بے حد دلچسپی پیدا کی ہے۔

آئی میکس 70mm فارمیٹ سینما کی تاریخ کا سب سے بڑا اور بہترین اینالاگ فارمیٹ ہے۔ اسی فارمیٹ میں ‘دی اوڈیسی’ کو شوٹ کیا گیا ہے، جس کی وجہ سے ناظرین اس فارمیٹ میں دیکھنے کے لیے سینما گھروں کا رخ کر رہے ہیں۔

فلمی ٹیم کا کہنا ہے کہ فلم کو حقیقی آئی میکس 70mm فارمیٹ میں دیکھنا ایک منفرد تجربہ ہے۔ امریکہ میں صرف 25 سینما گھر ایسے ہیں جو اس فارمیٹ میں فلم دکھا سکتے ہیں، جس کی وجہ سے ناظرین کو طویل سفر کرنا پڑ رہا ہے۔

واضح رہے کہ گزشتہ 50 برسوں سے نئے آئی میکس پروجیکٹرز تیار نہیں کیے جا رہے۔ موجودہ پروجیکٹرز کو مرمت کر کے یا پرانے حصوں سے تیار کیا جاتا ہے، جو کہ اب نایاب ہو چکے ہیں۔

یاد رہے کہ ‘اوپن ہائمر’ کی کامیابی کے بعد آئی میکس نے اپنی صلاحیت میں اضافہ کیا ہے۔ اگرچہ اس کی مانگ بڑھ رہی ہے، لیکن تکنیکی مسائل کی وجہ سے یہ تجربہ محدود ہے۔