لاہور: (رائیٹ ناؤنیوز) سرگودھا میں 7 سالہ بچی کی بےحرمتی کا افسوسناک واقعہ پیش آیا۔ وزیراعلیٰ پنجاب مریم نواز نے حکومت اور والدین دونوں کو ذمہ دار ٹھہرایا ہے۔

انہوں نے پیغام امن کمیٹی کے اجلاس میں کہا کہ والدین کو چاہیے کہ بچوں کو اکیلا باہر نہ بھیجیں۔ انہوں نے سماج میں بیٹوں کی تربیت پر بھی سوال اٹھایا ہے۔

مریم نواز نے کہا کہ معاشرے کی تربیت اہم ہے اور حکومت کی گھروں تک رسائی نہیں ہے۔ سماجی مسائل کا خاتمہ سب کی اجتماعی ذمہ داری ہے۔

انہوں نے کہا کہ گٹر میں گرنے سے بچوں کی موت پر وہ خود کو ذمہ دار سمجھتی ہیں۔ انتظامیہ کی کوششوں کے باوجود لوگ گٹر کے ڈھکن چوری کرلیتے ہیں۔

واضح رہے کہ وزیر اعلیٰ نے ملک میں امن کے لیے علما کے کردار کی اہمیت پر زور دیا۔ وزیراعظم شہباز شریف اور فیلڈ مارشل سید عاصم منیر کی تعریف بھی کی۔