لاہور: (رائیٹ ناؤ نیوز) وزیراعلیٰ پنجاب مریم نواز شریف نے گوجرانوالہ ییلو لائن ماس ٹرانزٹ کی تکمیل کے لیے مارچ 2027 کی ڈیڈ لائن مقرر کر دی ہے۔ انہوں نے خصوصی اجلاس میں منصوبے کی پیشرفت کا جائزہ لیا۔

اجلاس میں بتایا گیا کہ 31.5 کلومیٹر طویل ییلو لائن کے تحت 25 سٹیشنز بنائے جائیں گے، جن میں 2 انڈر گراؤنڈ سٹیشنز شامل ہوں گے۔ منصوبے کے تحت 12 انڈر پاسز، اور 35 کلومیٹر سروس روڈ بھی تعمیر ہوگا۔

حکام نے بتایا کہ ایک تہائی کام مکمل ہوچکا ہے جبکہ 1233 پولز اور 552 ٹرانسفارمرز منتقل کیے جا چکے ہیں۔ 15 ہزار فٹ سیوریج اور 62 کلومیٹر ڈرین کا کام بھی جاری ہے۔

وزیراعلیٰ نے درختوں کی حفاظت پر زور دیتے ہوئے کہا کہ ماحول کے تحفظ کو یقینی بنایا جائے۔ اجلاس میں 5 ہزار درختوں کی ری پلانٹیشن کا بھی ذکر کیا گیا۔

یاد رہے کہ گوجرانوالہ ماس ٹرانزٹ منصوبے کی بروقت تکمیل شہریوں کی سہولت کے لیے انتہائی اہم ہے، جس سے سفری مشکلات کم ہوں گی۔