لاہور: (رائیٹ ناوٴ نیوز)۔ ترجمان پاور ڈویژن نے کہا ہے کہ پیک ٹائم میں بجلی کی فراہمی میں بہتری آئی ہے۔ گزشتہ رات پیک ٹائم میں بجلی کی فراہمی بہتر رہی اور ڈیموں سے زیادہ پانی کی خراج کے باعث 5125 میگا واٹ بجلی پیدا ہوئی۔

ملک کے جنوب سے سینٹر میں 400 میگاواٹ گرڈ میں استحکام کی وجہ سے ترسیل جاری رہی۔ بجلی تقسیم کار کمپنیوں نے بجلی کی سپلائی کی بدولت ایک سے دو گھنٹے تک کی لوڈ مینیجمنٹ کی۔

پاور ڈویژن کے ترجمان نے کہا کہ ایل این جی کی دستیابی سے پیک ٹائم لوڈ مینیجمنٹ ختم ہو جائے گی۔ تاہم، ایل این جی کی عدم دستیابی کی وجہ سے 5500 میگاواٹ کے پاور پلانٹس سے بجلی پیدا نہیں ہو رہی۔

دوسری جانب، ترجمان لیسکو نے بتایا کہ لیسکو ریجن میں بجلی کی طلب 2421 جبکہ سپلائی 2550 میگاواٹ ہے۔ بہتر سپلائی کے باعث طلب و رسد میں کوئی شارٹ فال نہیں ہے۔

واضح رہے کہ بہتر بجلی سپلائی کی بدولت دن کے اوقات میں لوڈ مینجمنٹ صرف لائن لاسز والے فیڈرز تک محدود ہے۔ یہ لوڈ مینجمنٹ نظام کو مستحکم رکھنے اور سپلائی و ڈیمانڈ میں توازن قائم رکھنے کے لیے کی جاتی ہے۔