بیجنگ: (رائیٹ ناوٴ نیوز) چینی سائنسدانوں نے سورج کی روشنی کو رات میں بھی بجلی پیدا کرنے کے لیے استعمال کرنے کا طریقہ دریافت کر لیا ہے۔ یہ کامیابی ماحول دوست توانائی کے حصول میں اہم پیشرفت ہے۔

جرنل ایڈوانسڈ انرجی میٹریلز میں شائع تحقیق کے مطابق، انہوں نے لکڑی کی اندرونی ساخت کو مسام دار اسفنج میں تبدیل کیا تاکہ وہ سورج کی روشنی کو جذب کرکے حرارت ذخیرہ کر سکے۔ اس تدوین شدہ لکڑی کو رات کے وقت بھی بجلی پیدا کرنے کے لیے استعمال کیا جا سکتا ہے۔

حکام کے مطابق، یہ طریقہ سولر پاور کی سب سے بڑی کمزوری یعنی رات میں بجلی کی عدم دستیابی کو حل کرے گا۔ اس وقت بجلی ذخیرہ کرنے کے لیے مہنگی بیٹریاں استعمال ہوتی ہیں جبکہ یہ نیا طریقہ مزید مؤثر ثابت ہو سکتا ہے۔

یہ تحقیق ماحول دوست توانائی کے حصول میں نیا موڑ ثابت ہو سکتی ہے۔ بالسا ووڈ نامی لکڑی کی تدوین شدہ شکل نے 91.2 فیصد سورج کی روشنی کو حرارت میں تبدیل کر کے بجلی پیدا کی۔

واضح رہے کہ یہ نتائج ابتدائی ہیں اور مزید تحقیق کی ضرورت ہے تاکہ ثابت کیا جا سکے کہ بڑے پیمانے پر اس طریقے کو استعمال کیا جا سکتا ہے۔