کوئٹہ: (رائیٹ ناوٴ نیوز) ایران میں مقیم پاکستانیوں کی وطن واپسی کا سلسلہ جاری ہے۔ آج کوئٹہ بارڈر کے ذریعے مزید 20 پاکستانی وطن واپس پہنچے ہیں۔

ضلعی انتظامیہ کے مطابق گبد ریمدان بارڈر کے ذریعے ڈیڑھ ماہ میں 3172 افراد پاکستان پہنچ چکے ہیں۔ 28 فروری سے اب تک تفتان بارڈر پر 10 ہزار 619 افراد وطن واپس آچکے ہیں۔

مجموعی طور پر 28 فروری سے اب تک گبد ریمدان اور تفتان بارڈر کے ذریعے 13791 افراد وطن واپس لوٹ چکے ہیں۔

واپس آنے والوں میں ایران کے رہائشی، زائرین، سی مین، مزدور، بزنس مین اور پاکستانی طلباء شامل ہیں۔

واضح رہے کہ یہ واپسی کا عمل 45 دنوں سے جاری ہے، جس میں مختلف اقسام کے افراد شامل ہیں جو ایران میں رہائش پذیر تھے۔