اسلام آباد: (رائیٹ ناوٴ نیوز) چیف جسٹس اسلام آباد ہائیکورٹ سرفراز دوگر نے سیشن ججوں کی طرف سے شہریوں کے شناختی کارڈ بلاک کرنے پر سوالات اٹھائے ہیں۔

اسلام آباد ہائیکورٹ میں شناختی کارڈ بلاک کرنے کے خلاف کیس کی سماعت ہوئی۔ چیف جسٹس نے سیشن اور ایڈیشنل سیشن ججز کی جانب سے شناختی کارڈ بلاک کرنے پر حیرت کا اظہار کیا ہے۔

دوران سماعت چیف جسٹس نے اسسٹنٹ اٹارنی جنرل سے مکالمہ کیا کہ جج کیسے اتنے بڑے آرڈر کر سکتے ہیں۔ ان کا کہنا تھا کہ انہیں سمجھ نہیں آتی کہ سیشن جج ایسا کیوں کرتے ہیں۔

چیف جسٹس نے اسسٹنٹ اٹارنی جنرل کو ہدایت کی کہ وہ اس معاملے میں عدالت کی معاونت کریں۔ عدالت نے معاملے کی مزید سماعت ملتوی کر دی ہے۔

واضح رہے کہ شناختی کارڈ بلاک کرنے کا معاملہ کئی شہریوں کے لئے مشکلات کا باعث بن رہا ہے، جس کی وجہ سے عدالت میں متعدد کیسز زیر غور ہیں۔