وزیراعظم شہباز شریف نے سعودی ولی عہد سے ملاقات میں علاقائی صورتحال اور دوطرفہ تعلقات پر تبادلہ خیال کیا۔
جدہ: (رائیٹ ناوٴ نیوز) وزیراعظم محمد شہباز شریف نے سعودی عرب کے ولی عہد شہزادہ محمد بن سلمان سے اہم ملاقات کی۔ ملاقات میں دونوں رہنماؤں نے علاقائی صورتحال پر تبادلہ خیال کیا۔
ملاقات تقریباً دو گھنٹے جاری رہی جس میں نائب وزیراعظم سینیٹر محمد اسحاق ڈار بھی موجود تھے۔ وزیراعظم نے سعودی عرب کے لیے یکجہتی اور حمایت کا اظہار کیا اور قیمتی جانوں کے ضیاع پر افسوس کیا۔
وزیراعظم نے سعودی ولی عہد کی قیادت کی تعریف کی اور پاکستان کی امن کوششوں سے آگاہ کیا۔ ولی عہد نے وزیراعظم کے تعمیری کردار کو سراہا۔
وزیراعظم نے پاکستان کے معاشی استحکام کے لیے سعودی عرب کی حمایت پر شکریہ ادا کیا۔ دونوں ممالک کے درمیان اسٹریٹجک دفاعی شراکت داری کا ذکر بھی ہوا۔
واضح رہے کہ پاکستان اور سعودی عرب کے درمیان اسٹریٹجک دفاعی معاہدے کے تحت قریبی تعلقات ہیں اور دونوں رہنما باہمی دلچسپی کے امور پر تعاون جاری رکھنے کا عزم رکھتے ہیں۔
