پشاور: (رائیٹ ناوٴ نیوز) گورنر خیبر پختونخوا فیصل کریم کنڈی نے کہا ہے کہ پی ٹی آئی بانی کی جیل میں رہائش سے پارٹی کے لوگ خوش ہیں۔ ان کا کہنا ہے کہ بانی کو پارٹی پر یقین نہیں کہ وہ اپوزیشن لیڈر منتخب کر سکیں۔

گورنر کے پی نے میڈیا سے گفتگو کرتے ہوئے کہا کہ ایپکس کمیٹی کے بعد سہیل آفریدی غائب ہیں، جبکہ چیف منسٹر اور وزیر اعظم کو امن و امان کے لیے کوارڈینیشن کی ضرورت ہے۔

فیصل کریم کنڈی نے کہا کہ خیبر پختونخوا میں 13 سالوں میں کوئی اسپتال نہیں جہاں بانی کا علاج ہو سکے، ان کا علاج اسلام آباد میں ہو رہا ہے۔

انہوں نے مزید کہا کہ سپر پاورز پاکستان پر اعتماد کر رہی ہیں، بہترین سفارتکاری سے خطے میں پاکستان کا تاثر بہتر ہوا ہے۔

یاد رہے کہ افغانستان میں دہشتگردی کے شواہد کے بارے میں قطر، ترکیہ کو آگاہ کیا گیا ہے، جبکہ طورخم بارڈر صرف افغان مہاجرین کی واپسی کے لیے کھولا جا رہا ہے۔