اسلام آباد: (رائیٹ ناوٴ نیوز) سابق نگران وفاقی وزیر گوہر اعجاز نے کہا ہے کہ پاکستان میں بجلی بحران انتظامی ناکامی کا نتیجہ ہے، نہ کہ صلاحیت کی کمی کا۔

انہوں نے سماجی رابطے کی سائٹ پر بجلی بحران کے اعداد و شمار شیئر کیے ہیں، جن کے مطابق پاکستان کی نصب شدہ بجلی کی صلاحیت 46,605 میگاواٹ ہے، جبکہ ملک کو 2 سے 4 گھنٹے کی لوڈشیڈنگ کا سامنا ہے۔

گوہر اعجاز نے بتایا کہ گھریلو اور کمرشل صارفین کو روزانہ 7 سے 16 گھنٹے بجلی کی کمیابی کا سامنا کرنا پڑتا ہے، جو کہ حیران کن ہے۔ انہوں نے کہا کہ گرمیوں کی طلب 30,000 سے 33,000 میگاواٹ تک پہنچ سکتی ہے۔

انہوں نے مزید کہا کہ ہائیڈرو پاور کی پیداوار میں کمی کے باعث سستی بجلی کی دستیابی متاثر ہو رہی ہے، اور ٹرانسمیشن نظام بھی ناکام ہے۔

واضح رہے کہ پاکستان میں بجلی کی نصب شدہ صلاحیت کے باوجود انتظامیہ کی ناکامی کے باعث عوام کو مشکلات کا سامنا ہے۔