آبنائے ہرمز: (رائیٹ ناؤ نیوز) امریکا اور ایران کے درمیان کشیدگی بڑھ گئی ہے۔ دونوں ممالک نے آبنائے ہرمز میں جہازوں پر حملے کیے ہیں۔ امریکی سینٹرل کمانڈ نے تین ایرانی تیل بردار جہازوں پر حملوں کی تصدیق کی ہے۔

امریکی حکام کے مطابق ایران کے پاسداران انقلاب نے امریکی بحریہ کے دو جہازوں پر بیلسٹک میزائل داغے۔ اس کے جواب میں امریکی فورسز نے ایرانی جہازوں کو نشانہ بنایا۔

ایڈمرل بریڈ کوپر نے کہا کہ ایران کو واضح پیغام دیا گیا ہے۔ انہوں نے کہا کہ امریکی جہازوں پر حملے کی بڑی معاشی قیمت چکانی پڑے گی۔

واضح رہے کہ یہ جھڑپیں ایسے وقت میں ہو رہی ہیں جب امریکا اور ایران کے درمیان حالیہ کشیدگی میں اضافہ ہوا ہے۔ اس تنازع نے عالمی توانائی کی فراہمی کو بھی متاثر کیا ہے۔

یاد رہے کہ خارگ جزیرہ ایران کے لیے اہم ہے، کیونکہ یہاں سے ایران اپنا 90 فیصد خام تیل برآمد کرتا تھا۔ امریکا نے ایرانی تیل کی برآمدات کے خلاف ناکہ بندی شروع کی ہوئی ہے۔