اسلام آباد: (رائیٹ ناؤ نیوز) وزیراعظم شہباز شریف نے نرس رضیہ نورین کو نومولود کی جان بچانے پر ایک کروڑ روپے کا چیک دیا۔ انہوں نے رضیہ نورین کی ہمت و بہادری کو سراہتے ہوئے ان کے سر پر ہاتھ رکھا۔

وزیراعظم نے کہا کہ رضیہ نورین پر پوری قوم کو فخر ہے۔ ان کا کارنامہ قوم کی تاریخ میں سنہری حروف سے یاد رکھا جائے گا۔ قوم ان کی ہمت کی معترف ہے۔

وزیراعظم نے اعلان کیا کہ 23 مارچ کو نرس رضیہ نورین کو تمغۂ خدمت سے نوازا جائے گا۔ یہ ان کی خدمات کا اعتراف ہے۔

نرس رضیہ نورین نے بتایا کہ آگ تیزی سے پھیل رہی تھی۔ انہوں نے کچھ نہیں سوچا اور بچوں کو بچانے کے لیے اندر چلی گئیں۔

واضح رہے کہ رضیہ نورین نے دوسرے بچوں کو بچانے کے دوران دھماکا کے بعد اندھیرے میں بھی اپنی ذمہ داری نبھائی۔ وہ وزیراعظم کی عزت افزائی پر بہت خوش ہیں۔