اسلام آباد: (رائیٹ ناؤ نیوز) وفاقی وزیر صحت مصطفیٰ کمال نے پمز کے کارڈیک سینٹر کا دورہ کیا۔ انہوں نے مختلف رومز کا جائزہ لیا اور الیکٹرو فیزیالوجی کیتھ لیب میں مریضوں کی مشکلات کے بارے میں پوچھا۔

وزیر صحت نے پمز کے پرائیویٹ رومز کی خراب حالت دیکھ کر اسٹاف پر سخت برہمی کا اظہار کیا۔ انہوں نے کہا کہ دیواریں خستہ ہیں، اگر یہ گریں تو نقصان ہوگا۔

مصطفیٰ کمال نے ایگزیکٹو ڈائریکٹر ڈاکٹر سلمان کو ہدایت کی کہ اسپتال کی روزانہ منٹیننس ضروری ہے۔ انہوں نے کہا کہ جو کام نہیں کر رہا، اسے فوری برطرف کریں۔

وفاقی وزیر نے کہا کہ کسی بھی شخص کو رعایت نہیں دی جائے گی۔ انتظامیہ کو فوری ایکشن لینے کی تاکید کی۔

یاد رہے کہ پمز کی انتظامیہ نے وزیر صحت سے شکایت کی کہ یہاں پاور سینٹرلائزڈ ہے۔ مصطفیٰ کمال نے انہیں ماڈل میں تبدیلی کی تحریری تجویز دینے کا کہا۔