واشنگٹن: (رائیٹ ناؤ نیوز) ذیابیطس ٹائپ 2 کے مکمل علاج کے حوالے سے اہم پیشرفت سامنے آئی ہے۔ تحقیق میں بتایا گیا ہے کہ کیٹو ڈائٹ کے ذریعے ہائی بلڈ شوگر سے مکمل نجات ممکن ہے۔

ماہرین نے دریافت کیا کہ کم کاربوہائیڈریٹس والی غذائیں، خاص طور پر کیٹو ڈائٹ، ذیابیطس ٹائپ 2 کے مریضوں کے لیے مؤثر ثابت ہو رہی ہیں۔ تحقیق کے مطابق کیٹو ڈائٹ سے جسمانی وزن میں کمی اور بلڈ شوگر کنٹرول بہتر ہوتا ہے۔

تحقیق میں شامل 42 افراد کو تین گروپس میں تقسیم کیا گیا۔ ایک گروپ کو کیٹو ڈائٹ، دوسرے کو Mediterranean ڈائٹ جبکہ تیسرے کو کم چکنائی والی غذائیں دی گئیں۔ 5 ماہ کے دوران کیٹو ڈائٹ والے گروپ نے بہترین نتائج حاصل کیے۔

کیٹو ڈائٹ کے استعمال سے جگر پر چربی 67 فیصد تک گھٹ گئی۔ دیگر گروپس میں یہ شرح کم رہی۔ کیٹو ڈائٹ سے جگر کی صحت میں نمایاں بہتری آئی جبکہ کولیسٹرول کی سطح میں کوئی اضافہ نہیں ہوا۔

واضح رہے کہ ذیابیطس ٹائپ 2 ایک دائمی مرض ہے جسے کنٹرول کرنے کے لیے طرز زندگی میں تبدیلیاں ضروری ہیں۔ نئی تحقیق سے اس مرض کے علاج میں مدد مل سکتی ہے۔