اسلام آباد: (رائیٹ ناؤنیوز) وزیر دفاع خواجہ محمد آصف نے کہا ہے کہ سرائیکی صوبے کی بات ہو تو پیپلز پارٹی نرم گوشہ ظاہر کرتی ہے۔ تاہم جب مزید صوبوں یا انتظامی یونٹوں کی بات کی جاتی ہے تو سندھو دیش کا ذکر شروع ہو جاتا ہے۔

خواجہ آصف نے ایکس پر جاری بیان میں کہا کہ پیپلز پارٹی کی دو رخی پالیسی کے پیچھے کچھ اور وجوہات ہیں۔ 18ویں ترمیم کے ذریعے اختیارات کی منتقلی کی بات ہوئی مگر اس پر عمل نہیں ہوا۔

انہوں نے مزید کہا کہ موجودہ نظام میں اختیارات کا ارتکاز اسے متروک کر چکا ہے۔ صوبے یا انتظامی یونٹ جو بھی لیبل لگائیں، اختیارات کی منتقلی ناگزیر ہے۔

واضح رہے کہ وزیراعظم کے مشیر برائے سیاسی امور رانا ثناء اللہ نے کہا کہ مسلم لیگ ن کے مطابق نئے صوبوں پر بات قبل از وقت ہے اور اس معاملے کو غیر ضروری حدت دی جا رہی ہے۔

یاد رہے کہ سندھ اسمبلی میں منظور کی جانے والی قرار دادیں پہلے بھی منظور ہو چکی ہیں اور اس معاملے پر قومی اسمبلی کو نشانہ بنایا گیا۔ یہ امر پیپلز پارٹی کے لیے انتہائی اہمیت کا حامل ہے۔