اسلام آباد: (رائیٹ ناؤنیوز) بلڈ پریشر سے متاثرہ افراد چاول کھانے کے بارے میں فکر مند رہتے ہیں۔ ماہرین کا ماننا ہے کہ چاول براہ راست بلڈ پریشر کا سبب نہیں بنتے، مگر ان کا صحیح مقدار میں استعمال ضروری ہے۔

ماہرین کے مطابق سفید چاول میں زیادہ مقدار کاربوہائیڈریٹس کی ہوتی ہے جو زیادہ مقدار میں کھانے سے بلڈ شوگر بڑھ سکتا ہے۔ اس کا مسلسل زیادہ استعمال انسولین کے خلاف مزاحمت اور بلڈ پریشر بڑھنے کا خطرہ بڑھا سکتا ہے۔

حکام کا کہنا ہے کہ بلڈ پریشر کو کنٹرول کرنے کے لیے صرف ایک غذا کو ذمہ دار ٹھہرانا درست نہیں۔ سفید چاول کم مقدار میں کھائیں اور پلیٹ میں سبزیوں، دالوں اور پروٹین کو شامل کریں۔

ماہرین مشورہ دیتے ہیں کہ سفید چاول کی جگہ بھورے (براؤن) چاول یا دیگر ہول گرین چاول لیں۔ ان میں فائبر اور میگنیشیم موجود ہوتا ہے جو بلڈ پریشر کو قابو میں رکھنے میں مددگار ثابت ہوتے ہیں۔

یاد رہے کہ نمک کی مقدار کو کم رکھنا اور جسمانی سرگرمی کو بڑھانا بلڈ پریشر کے مریضوں کے لیے ضروری ہے۔ سفید چاول کو مکمل طور پر ترک کرنے کے بجائے ماہرین سے مشورہ کرنا بہتر ہوتا ہے۔