سیالکوٹ: (رائیٹ ناؤ نیوز) وزیر دفاع خواجہ آصف نے صحت کے شعبے میں کرپشن پر شدید تنقید کی ہے۔ سیالکوٹ میں تقریب کے دوران انہوں نے کہا کہ صحت کے شعبے میں لوٹ مار کی مثال کہیں اور نہیں ملتی۔

خواجہ آصف نے بتایا کہ فیکٹری ورکرز کے لیے سوشل سکیورٹی اسپتال میں جدید سہولیات فراہم کی گئی ہیں۔ سیالکوٹ کی انڈسٹری سے لاکھوں ورکرز وابستہ ہیں، جن کے لیے بہترین طبی سہولیات مہیا کی جانی ضروری ہیں۔

انہوں نے مزید کہا کہ پمز میں ہونے والا سانحہ کرپشن کا نتیجہ ہے اور وزیراعظم نے اس کا نوٹس لیا ہے۔ ان کے بقول، پمز میں ہونے والے واقعات خطرے کی گھنٹی ہیں۔

وزیر دفاع نے کہا کہ پمز سانحے میں ہیلتھ ریگولیٹری بھی شامل تھی، جس نے کرپشن کو فروغ دیا۔ ان کے مطابق وہاں صرف مال کمانے کا سلسلہ جاری تھا۔

یاد رہے کہ راولپنڈی میں بڑے اسپتال موجود ہیں جو رجسٹرڈ نہیں ہیں۔ خواجہ آصف نے سیالکوٹ میں جلد کینسر کے علاج اور برن یونٹ کی سہولت کی فراہمی کا عندیہ دیا۔