21 سابق کرکٹ کپتانوں نے وزیراعظم کو خط لکھ کر عمران خان کے فوری طبی معائنے اور علاج کا مطالبہ کیا ہے۔
اسلام آباد: (رائیٹ ناؤ نیوز) دنیا بھر کے 21 سابق کرکٹ کپتانوں نے وزیراعظم شہباز شریف کو خط لکھ کر سابق وزیراعظم عمران خان کے طبی معائنے اور علاج کا مطالبہ کیا ہے۔
کرکٹ ویب سائٹ کے مطابق، خط میں کہا گیا ہے کہ سپریم کورٹ نے عمران خان کو اسپتال منتقل کرنے کی ہدایت کی تھی۔ ان کے ذاتی معالجین اور بہن ڈاکٹر عظمیٰ خان بھی میڈیکل بورڈ میں شامل تھے۔
سابق کپتانوں نے تشویش کا اظہار کیا کہ عمران خان کا اسپتال قیام چند گھنٹوں تک محدود رہا۔ سرکاری ٹیم نے انہیں فٹ قرار دے کر واپس جیل بھیج دیا۔
سابق کپتانوں نے تین مطالبات پیش کیے، جن میں آزادانہ معائنہ، خاندانی ملاقاتوں کی بحالی اور فوری علاج شامل ہیں۔
واضح رہے کہ سابق عالمی کپتانوں نے پہلے بھی وزیراعظم کو خط لکھا تھا۔ عمران خان 2018 سے 2022 تک وزیراعظم رہے اور بعد میں مختلف مقدمات میں سزا یافتہ ہوئے۔
