اسلام آباد: (رائیٹ ناؤ نیوز) امریکا اور ایران کے درمیان جنگ بندی کے لیے اسلام آباد ایم او یو کی 60 روزہ مدت مکمل ہو گئی۔ معاہدے کے تحت 60 روز میں مذاکرات مکمل ہونے تھے لیکن تعطل کا شکار ہو گئے ہیں۔

ایران اور امریکا کے درمیان مذاکرات کی مدت 17 جون کو پاکستان اور قطر کی ثالثی میں طے پائی تھی۔ اس معاہدے کے ذریعے فروری سے جاری جنگ کے خاتمے کی امید پیدا ہوئی تھی۔

اب تک معاہدے میں توسیع کی باضابطہ تصدیق نہیں ہو سکی ہے۔ امریکا اور ایران کے درمیان مذاکرات میں ناکامی کے باوجود پاکستان اور قطر کی کوششیں جاری ہیں۔

اس معاہدے میں فوجی کارروائیوں کا خاتمہ، جوہری پروگرام اور منجمد اثاثوں جیسے معاملات شامل تھے۔ ان کے حل کے لیے رابطہ کاری گروپس بھی تشکیل دیے گئے تھے۔

واضح رہے کہ ایران نے معاہدے کی خلاف ورزی کا الزام امریکا پر عائد کیا ہے۔ ایرانی حکام کا کہنا ہے کہ امریکا نے معاہدے کی شرائط کی خلاف ورزی کی، اس لیے معاہدے میں توسیع کی کوئی ضرورت نہیں۔