نیدرلینڈز: (رائیٹ ناؤنیوز) یونیورسٹی میڈیکل سینٹر گروننجن کے ماہرین کی تحقیق میں انکشاف ہوا ہے کہ ڈائیگوکسن کی کم خوراک دل کی ناکامی کے مریضوں کو اسپتال جانے سے بچا سکتی ہے۔ یہ دوا موت کے خطرے کو بھی کم کرتی ہے۔

تحقیق کی قیادت کرنے والے ڈاکٹر ڈرک جین وین ویلڈوزین نے کہا ہے کہ ان نتائج سے دل کی ناکامی کے علاج میں تبدیلی آ سکتی ہے۔ یہ سستی دوا مزید مریضوں کے لئے دستیاب ہو سکتی ہے۔

نیدرلینڈز میں پانچ لاکھ سے زائد افراد دل کی ناکامی کا شکار ہیں۔ ماہرین کو امید ہے کہ ڈائیگوکسن کے استعمال سے مریضوں کی حالت بہتر ہو سکتی ہے۔

واضح رہے کہ دل کی ناکامی کے علاج میں عموماً چار اہم ادویات کا مجموعہ استعمال ہوتا ہے، جسے ’فنٹاسٹک فور‘ کہا جاتا ہے۔

یاد رہے کہ تحقیق کے نتائج نیچر میڈیسن اور دیگر سائنسی جرائد میں شائع ہوئے ہیں اور بارسلونا میں ای ایس سی ہارٹ فیلیئر کانگریس میں بھی پیش کیے گئے۔