ممبئی: (رائیٹ ناؤنیوز) بالی ووڈ کے معروف اداکار گووندا کو حال ہی میں ممبئی ایئرپورٹ پر نئی اداکارہ کومل رانی کے ساتھ دیکھا گیا، جس کے بعد ان کے مبینہ رومانوی تعلقات کی خبریں گردش کرنے لگیں۔ دونوں نے تاحال ان تعلقات کی تصدیق نہیں کی ہے۔

کومل رانی سوارنکر بالی ووڈ کی نئی اداکارہ ہیں اور ان کا تعلق اتر پردیش سے ہے۔ ان کے تعلیمی پس منظر یا عمر کے بارے میں زیادہ معلومات موجود نہیں ہیں، لیکن ان کا نام گووندا کی فلم ‘روپا’ سے جوڑا جا رہا ہے۔

گووندا اور کومل کے درمیان ممکنہ تعلقات کی خبریں اس وقت زیادہ شدت اختیار کر گئیں جب دونوں کو ایئرپورٹ پر دیکھا گیا۔ کومل کے اس تعلق کی خبریں سوشل میڈیا پر بھی موضوع بحث بن چکی ہیں۔

واضح رہے کہ گووندا کی اہلیہ سنیتا آہوجا نے ماضی میں اداکار کی ذاتی زندگی کے حوالے سے بیانات دیے ہیں، جس کی وجہ سے ان خبروں کو مزید تقویت ملی ہے۔ تاہم، سنیتا نے کسی رومانوی تعلق کی تصدیق نہیں کی۔

گووندا نے کہا کہ ان کا نام ماضی میں بھی ہیروئنز کے ساتھ جوڑا جاتا رہا ہے، اس لیے ایسی خبریں ان کے لیے نئی نہیں ہیں۔ کومل نے بھی اس معاملے پر کوئی واضح بیان نہیں دیا ہے۔