لیزبن: (رائیٹ ناؤنیوز) عالمی شہرت یافتہ فٹبالر کرسٹیانو رونالڈو اور جارجینا روڈریگز نے سادگی سے شادی کرلی۔ ان کے برائیڈل لک نے سب کی توجہ حاصل کرلی ہے۔

جارجینا نے اپنے بڑے دن پر سفید لباس اور سادہ مینیکیور کا انتخاب کیا۔ ان کی تصویر میں لمبی آستینوں والا لباس نظر آیا جبکہ ان کے ناخنوں پر آف وائٹ شیڈ تھا۔

شادی میں دونوں نے سادہ زرد سونے کی ویڈنگ بینڈز پہنیں۔ جارجینا کی منگنی کی انگوٹھی بھی نمایاں رہی۔ انگوٹھی کی مالیت تقریباً 1.5 ملین پاؤنڈ سے 5 ملین ڈالر تک بتائی جاتی ہے۔

یاد رہے کہ جارجینا نے شادی سے پہلے زیورات کے برانڈ چوپارڈ کے لیے ایک پوسٹ شیئر کی تھی۔ اس میں وہ سفید ہیرے کا ہار پہنے دکھائی دیں۔

واضح رہے کہ رونالڈو اور جارجینا کی ملاقات 2016 میں ہوئی تھی۔ دونوں نے ایک دہائی کے تعلق کے بعد شادی کی۔