کراچی: (رائیٹ ناؤ نیوز) نازیہ حسن کی 26ویں برسی آج منائی جا رہی ہے۔ انہیں دنیا بھر میں کوئین آف پاپ کے لقب سے یاد کیا جاتا ہے۔

نازیہ حسن نے 15 سال کی عمر میں ‘آپ جیسا کوئی’ گانے سے شہرت حاصل کی۔ انہوں نے جنوبی ایشیا کی پاپ موسیقی کو نیا انداز دیا۔ ان کے گانے ‘ڈسکو دیوانے’ نے بین الاقوامی شہرت حاصل کی۔

نازیہ اور زوہیب حسن کی جوڑی کے البمز جیسے ‘بوم بوم’ اور ‘ینگ ترنگ’ نے پاکستانی پاپ میوزک کو ایک نئی شناخت دی۔ ان کی موسیقی نے سرحدوں کو عبور کیا۔

نازیہ حسن نہ صرف گلوکارہ تھیں بلکہ وکیل اور سماجی کارکن بھی تھیں۔ 1991 میں انہیں یونیسیف کی ثقافتی سفیر مقرر کیا گیا۔ ان کی خدمات کو ہر سطح پر سراھا گیا۔

یاد رہے کہ نازیہ حسن 13 اگست 2000 کو کینسر کے باعث لندن میں انتقال کر گئیں۔ ان کی موسیقی آج بھی زندہ ہے اور ان کا نام ہمیشہ روشن رہے گا۔