ریاض: (رائیٹ ناؤ نیوز) سوشل میڈیا پر گردش کرنے والی افواہیں کہ ریاض کا کنگ خالد انٹرنیشنل ایئرپورٹ مکمل طور پر بند ہو گیا ہے، جھوٹ پر مبنی ہیں۔ سرکاری فضائی معلومات کے مطابق ایئرپورٹ پروازوں کی آمد و رفت معمول کے مطابق جاری ہے۔

ہوابازی کے سرکاری نوٹس کے مطابق صرف ایک رن وے 15L/33R عارضی طور پر بند کیا گیا ہے۔ دیگر رن ویز اور فلائٹ آپریشنز معمول کے مطابق جاری ہیں۔

سعودی جنرل اتھارٹی آف سول ایوی ایشن یا ریاض ایئرپورٹس کمپنی نے مکمل بندش کی کوئی تصدیق نہیں کی۔ ایئرپورٹ کے تمام ٹرمینلز فعال ہیں۔

ہوابازی کے ماہرین کے مطابق رن وے کی عارضی بندش معمول کی حفاظتی کارروائی ہے۔ یہ عمل دیکھ بھال یا تکنیکی معائنے کے لئے کیا جاتا ہے۔

یاد رہے کہ سوشل میڈیا پر ایک رن وے کی بندش کو پورے ایئرپورٹ کی بندش کے طور پر پیش کرنا غلط ہے۔ اس کی سرکاری طور پر کوئی تصدیق نہیں ہوئی۔