کیف: (رائیٹ ناؤنیوز) یوکرینی صدر ولودیمیر زیلنسکی نے فوج کے کمانڈر اِن چیف اولیکسینڈر سرسکی کو عہدے سے ہٹا دیا ہے۔ صدر نے میخائیلو ڈراپاتی کو نیا کمانڈر اِن چیف مقرر کر دیا ہے۔

یوکرینی صدر نے فوجی سربراہ کو برطرفی کے بعد سرسکی کی عسکری خدمات کو سراہا ہے۔ چند روز قبل وزیر دفاع میخائیلو فیڈوروف کو بھی عہدے سے ہٹایا گیا تھا۔

وزیر دفاع کی برطرفی کے بعد ملک بھر میں عوامی احتجاج ہوا تھا۔ رپورٹوں کے مطابق اختلافات کی وجہ سے برطرفی کی افواہیں گردش کر رہی تھیں۔

اولیکسینڈر سرسکی کو سوویت طرزِ فکر رکھنے والا کمانڈر سمجھا جاتا تھا۔ ان کی جگہ تجربہ کار جنرل میخائیلو ڈراپاتی کو نیا آرمی چیف مقرر کیا گیا ہے۔

واضح رہے کہ سرسکی نے 2022 میں روسی حملے کے دوران کیف کے دفاع میں اہم کردار ادا کیا تھا۔ زیلنسکی نے فیڈوروف کو حکومت میں نیا عہدہ دینے کی پیشکش بھی کی ہے۔