اسلام آباد: (رائیٹ ناؤ نیوز) وزیراعظم شہباز شریف نے انڈس راس ایکسپو میں شرکت کی۔ ان کا کہنا ہے کہ پاکستان جدید ٹیکنالوجی میں صف اول کا ملک بننے جا رہا ہے۔ انڈس اے آئی سمٹ کی میزبانی پاکستان کی بڑی کامیابی ہے۔

وزیراعظم نے کہا کہ روبوٹکس اور ڈرون کی جدت سے معیشت مضبوط ہوگی۔ ٹیکنالوجی کی ترقی عوام کی زندگی آسان بنائے گی۔ ماضی میں بلیک اینڈ وائٹ ٹی وی کی آمد جدیدیت کی علامت تھی۔ آج کی ٹیکنالوجی خواب کو حقیقت بنا چکی ہے۔

انہوں نے کہا کہ پاکستان نے ٹیکنالوجی میں نمایاں پیشرفت کی ہے۔ مسلح افواج نے فیلڈ مارشل عاصم منیر کی قیادت میں جدید ٹیکنالوجی اپنائی۔ معرکہ حق میں آٹونامس سسٹمز اور سائبر سیکیورٹی کے ذریعے سرحدوں کا دفاع کیا گیا۔

وزیراعظم نے واضح کیا کہ پاکستان دفاع میں جدید ٹیکنالوجی کا استعمال کرے گا۔ آٹونامس سسٹمز کیلئے قانون سازی اور اخلاقی فریم ورک تیار کیا جا رہا ہے۔ ٹیکنالوجی کا فائدہ کسانوں، کاروبار، خواتین اور نوجوانوں تک پہنچے گا۔

یاد رہے کہ پاکستان نے انڈس اے آئی سمٹ کی میزبانی کرکے ٹیکنالوجی کے میدان میں اہم کامیابی حاصل کی تھی۔ وزیراعظم نے اسپارک اینڈ ایلیویٹ پروگرام کے آغاز کا اعلان بھی کیا۔