یمن: (رائیٹ ناؤ نیوز). حوثی گروپ نے سعودی عرب کے خلاف سمندری محاصرے کا اعلان کیا ہے۔ اس اقدام سے خطے میں کشیدگی بڑھنے کا اندیشہ ہے۔

ترجمان یحییٰ سریع نے بتایا کہ یہ فیصلہ سعودی عرب کی جانب سے صنعا ایئرپورٹ پر حملے کے بعد کیا گیا۔ حملے کو جنگ بندی کی خلاف ورزی قرار دیا گیا ہے۔

حوثیوں کے مطابق سعودی عرب کے خلاف سمندری پابندیاں آنکھ کے بدلے آنکھ کے اصول پر مبنی ہیں۔ انہوں نے خبردار کیا کہ مزید جارحیت کا بھی جواب دیا جائے گا۔

حوثیوں کے حامیوں سے کہا گیا ہے کہ وہ جنگی تیاری کریں اور محاذوں پر مزید جنگجو بھیجیں۔ سعودی عرب کے اقدامات کے خلاف پوری تیاری کا دعویٰ کیا گیا ہے۔

یاد رہے کہ حوثیوں نے پہلے بھی سعودی عرب کے خلاف بیلسٹک میزائلوں اور ڈرونز سے حملے کیے تھے۔ صنعا ایئرپورٹ کی ناکہ بندی کو انسانی بحران قرار دیا گیا ہے۔