واشنگٹن: (رائیٹ ناؤ نیوز) امریکی صدر ڈونلڈ ٹرمپ نے آبنائے ہرمز سے گزرنے والے بحری جہازوں پر فیس عائد کرنے کا اعلان واپس لے لیا ہے۔ انہوں نے کہا کہ خلیجی ممالک نے تحفظ کے بدلے امریکا میں اربوں ڈالر کی سرمایہ کاری کی پیشکش کی ہے۔

وائٹ ہاؤس میں عراقی وزیراعظم کے ساتھ پریس کانفرنس کرتے ہوئے صدر ٹرمپ نے کہا کہ انہوں نے ایران کو معاہدہ کرنے کا موقع دیا تھا۔ ان کے بقول ایران نے پہلے حملہ کر کے معاہدہ توڑ دیا۔

صدر ٹرمپ نے مزید کہا کہ ایران کی طرف سے حملے کے بعد امریکا نے ان کے خلاف بھرپور کارروائی کی۔ انہوں نے ایران کی اس کارروائی کو غلطی قرار دیا۔

صدر ٹرمپ نے ایرانیوں کو مشکل لوگ کہا اور دعویٰ کیا کہ ایران اب غیر مستحکم ہو چکا ہے۔ انہوں نے کہا کہ ایران کی فوجی قوت تقریباً ختم ہو چکی ہے۔

یاد رہے کہ آبنائے ہرمز اہم تجارتی راہداری ہے اور اس کے تحفظ کے لیے امریکا نے خلیجی ممالک کے ساتھ تعاون کیا ہوا ہے۔