تہران: (رائیٹ ناؤنیوز) ایرانی فوج نے خبردار کیا ہے کہ مستقبل میں ایران پر کسی بھی حملے کا جواب پہلے سے زیادہ سخت ہوگا۔ بیان میں کہا گیا ہے کہ مسلح افواج دشمن کی ممکنہ سازشوں پر گہری نظر رکھے ہوئے ہیں۔

ایرانی فوج نے آپریشن مرصاد کی سالگرہ پر کہا کہ ملک کی خودمختاری کے دفاع کے لیے افواج ہر وقت تیار ہیں۔ فوجی ترجمان نے مزید کہا کہ ایران کی سلامتی اور علاقائی سالمیت اہم ترجیحات ہیں۔

ایرانی فوج نے یقین دلایا کہ سرحدوں کے تحفظ کو اولین ترجیح دی جائے گی اور جارحیت کا مؤثر جواب دیا جائے گا۔ انہوں نے مزید کہا کہ دفاعی صلاحیتوں کو مضبوط بنانے کا عمل جاری رہے گا۔

یہ بیان ایرانی خبر رساں ادارے تسنیم کے ذریعے جاری کیا گیا اور آپریشن مرصاد کو دفاعی تاریخ کا اہم مرحلہ قرار دیا گیا ہے۔

یاد رہے کہ تجزیہ کاروں کا کہنا ہے کہ یہ بیان خطے میں کشیدگی کے پیش نظر دیا گیا ہے اور عوام کو اعتماد دینے کے ساتھ مخالفین کو سخت پیغام بھی دینا ہے۔