تہران: (رائیٹ ناؤنیوز) ایرانی وزارت خارجہ کے ترجمان اسماعیل بقائی نے امریکا پر بلاوجہ حملے کا الزام عائد کیا ہے۔ انہوں نے کہا کہ امریکا نے ایران پر حملہ کر کے خود کو مشکل میں ڈال لیا ہے۔

بقائی نے کہا کہ امریکا اور اسرائیل نے سوچا تھا کہ ایران تین دنوں میں ہتھیار ڈال دے گا۔ تاہم، ایران مضبوطی سے کھڑا ہے اور کئی ماہ بعد بھی امریکا الجھن میں ہے۔

انہوں نے مزید کہا کہ ایران اپنے قومی مفادات کو مدنظر رکھ کر جنگ و امن کے فیصلے کرے گا۔ ایران اپنے لیے جنگ یا امن کے شرائط طے کرنے کی اجازت نہیں دے گا۔

بقائی نے کہا کہ واشنگٹن جب بھی عالمی مارکیٹ میں تیل کی قیمتیں بڑھتی دیکھتا ہے، وہ مذاکرات کی کوشش کرتا ہے۔ ایران یوکرینی حملے کا جواب دینے کا حق محفوظ رکھتا ہے۔

یاد رہے کہ ایران نے بحیرہ خزر میں ایرانی جہاز پر یوکرینی حملے کو بین الاقوامی قوانین کی خلاف ورزی قرار دیا ہے۔ ایران نے روس یوکرین جنگ میں مداخلت نہ کرنے کی پالیسی اپنائی ہے۔