انقرہ: (رائیٹ ناؤ نیوز) امریکی صدر ڈونلڈ ٹرمپ نے ایران پر شدید تنقید کرتے ہوئے کہا ہے کہ ایران کی بدامنی اور عدم استحکام میں 47 برس سے مشغولیت ناقابل قبول ہے۔

نیٹو اجلاس کے موقع پر یوکرین کے صدر زیلنسکی کے ہمراہ میڈیا سے گفتگو کرتے ہوئے ٹرمپ نے ایران میں رجیم تبدیلی کا دعویٰ کیا اور کہا کہ ایران اب مشرقِ وسطیٰ میں مسائل پیدا نہیں کر سکے گا۔

صدر ٹرمپ نے کہا کہ ایران روزانہ معاہدوں کی خلاف ورزی کر رہا ہے اور جنگ بندی ختم ہو چکی ہے، ایران سے کوئی ڈیل کرنا وقت کا ضیاع ہے۔

انہوں نے کہا کہ ایران نے آبنائے ہرمز میں جہازوں پر حملے کیے اور دوبارہ حملے کی تیاری کر رہا ہے۔

یاد رہے کہ امریکہ اور ایران کے درمیان کشیدگی کی تاریخ طویل ہے اور حالیہ اقدامات نے تناؤ میں اضافہ کیا ہے۔