تہران: (رائیٹ ناؤ نیوز) ایران کے وزیر خارجہ عباس عراقچی سے حماس اور حزب اللہ کے وفود نے ملاقات کی ہے۔ اس ملاقات میں خطے کی صورتحال اور اسرائیلی کارروائیوں پر تفصیلی تبادلۂ خیال کیا گیا۔

عرب میڈیا کے مطابق عباس عراقچی نے ملاقات کے دوران حماس اور حزب اللہ کی اسرائیلی جارحیت کے خلاف حمایت جاری رکھنے کا عزم ظاہر کیا ہے۔ انہوں نے کہا کہ ایران ان گروہوں کی حمایت سے پیچھے نہیں ہٹے گا۔

حزب اللہ کے وفد سے گفتگو کرتے ہوئے عراقچی نے لبنان میں جنگ کے خاتمے اور کشیدگی میں کمی کے لئے سفارتی کوششوں کو جاری رکھنے پر زور دیا۔ انہوں نے مفاہمتی یادداشت کے مطابق اقدامات کرنے پر تاکید کی۔

ملاقات کے دوران خطے کی مجموعی سیکیورٹی صورتحال پر بھی غور ہوا۔ لبنان میں جاری پیش رفت اور اسرائیل کے ساتھ کشیدگی کو کم کرنے کے لئے اقدامات پر بھی بات چیت ہوئی۔

واضح رہے کہ ایران حماس اور حزب اللہ کو اسرائیل کے خلاف اپنی حمایت دیتا آیا ہے، جس کا مقصد خطے میں توازن برقرار رکھنا ہے۔