جدہ: (رائیٹ ناؤ نیوز) پاکستان کرکٹ بورڈ نے جدہ میں جدید کرکٹ اسٹیڈیم بنانے کا اعلان کیا ہے۔ پی سی بی اور سعودی عرب کرکٹ فیڈریشن کے مابین ایم او یو پر دستخط ہوئے ہیں، جس کے تحت کرکٹ انفرااسٹرکچر کو ترقی دی جائے گی۔

جدید بین الاقوامی معیار کا کرکٹ اسٹیڈیم جدہ میں تعمیر ہوگا۔ چیئرمین پی سی بی محسن نقوی اور چیئرمین سعودی عرب کرکٹ فیڈریشن نے معاہدے پر دستخط کیے۔

ایم او یو کے مطابق دونوں ادارے کرکٹ کے فروغ اور انفرااسٹرکچر کی ترقی میں تعاون کریں گے۔ معیارات کی بہتری اور استعداد کار میں اضافہ بھی شامل ہے۔

محسن نقوی نے کہا کہ پاکستان کرکٹ بورڈ سعودی عرب میں کرکٹ کی ترقی پر فخر محسوس کرتا ہے۔ شراکت داری پاک سعودی تعلقات کو مضبوط بنائے گی۔

یاد رہے کہ یہ شراکت داری نہ صرف کرکٹ کے فروغ میں معاون ہوگی بلکہ مملکت میں کرکٹ کے روشن مستقبل کی بنیاد بھی رکھے گی۔