دوحہ: (رائیٹ ناؤ نیوز) امریکی صدر ڈونلڈ ٹرمپ نے کہا ہے کہ ایران نے مذاکرات کی درخواست کی ہے اور دونوں ممالک کے درمیان منگل کو دوحہ میں ملاقات ہوگی۔ ایرانی حکومت نے اس دعوے کی ابھی تک تصدیق نہیں کی ہے۔

امریکی صدر نے سوشل میڈیا پلیٹ فارم پر بتایا کہ قطر کے دارالحکومت میں ہونے والے مذاکرات ایران کی درخواست پر منعقد ہوں گے۔ تاہم ایران کی طرف سے اس بات کی تصدیق نہیں کی گئی ہے۔

صدر ٹرمپ کے مطابق عالمی منڈی میں ویسٹ ٹیکساس انٹرمیڈیٹ (WTI) خام تیل کی قیمت 69 ڈالر فی بیرل تک آ چکی ہے، جو ایران کی جوہری صلاحیت کے خلاف اقدامات شروع ہونے سے پہلے کی سطح سے کم ہے۔

یاد رہے کہ امریکا اور ایران نے 17 جون کو 14 نکاتی عبوری مفاہمتی یادداشت پر دستخط کیے تھے۔ اس کے تحت آبنائے ہرمز کو بحری آمدورفت کے لیے دوبارہ کھولنے پر اتفاق کیا گیا تھا۔

واضح رہے کہ حالیہ دنوں میں امریکا اور ایران نے ایک دوسرے پر جنگ بندی کی خلاف ورزی کے الزامات لگائے تھے، جس کے باعث دوحہ میں ممکنہ مذاکرات پر عالمی توجہ مرکوز ہے۔