تہران: (رائیٹ ناؤ نیوز) ایران نے امریکی حملوں کو جنگ بندی کی خلاف ورزی قرار دیا ہے۔ ایرانی پارلیمانی کمیٹی کے سربراہ ابراہیم عزیزی نے امریکا پر تنقید کرتے ہوئے کہا ہے کہ یہ حملے پسپائی اور پشیمانی کا باعث بنیں گے۔

ایرانی عہدیدار کا کہنا ہے کہ سابق امریکی صدر ٹرمپ مذاکرات اور جنگ بندی کے اصولوں کے پابند نہیں تھے۔ انہوں نے الزام عائد کیا کہ امریکا کی یہ کارروائی عالمی قوانین کی خلاف ورزی ہے۔

امریکی نائب صدر جے ڈی وینس نے ایران کو خبردار کیا ہے کہ تشدد کا جواب تشدد سے دیا جائے گا۔ انہوں نے کہا کہ اگر اختلافات ہیں تو فون اٹھا کر بات کریں، جنگ بندی کے معاہدے کی پاسداری کی جائے۔

واضح رہے کہ سابق صدر ڈونلڈ ٹرمپ نے ایران پر بحری جہازوں پر حملوں کا الزام عائد کیا تھا۔ انہوں نے کہا کہ ایران نے آبنائے ہرمز میں امریکی بحری جہازوں پر ڈرون حملے کیے تھے۔

یاد رہے کہ امریکی صدر نے کہا ہے کہ ضرورت پڑنے پر ایران میں دوبارہ سخت حملے کرنے کی صلاحیت رکھتے ہیں۔ ایران کے پاس اب بھی کچھ دفاعی صلاحیت باقی ہے۔