ممبئی: (رائیٹ ناوٴ نیوز) بولی وڈ اداکارہ کرشمہ کپور نے حال ہی میں انڈیاز بیسٹ ڈانسر کے سیٹ پر فوٹوگرافرز سے کیمرے زوم نہ کرنے کی درخواست کی۔

کرشمہ کپور ان دنوں ڈانس رئیلٹی شو میں جج کی حیثیت سے شرکت کر رہی ہیں۔ فوٹوگرافرز نے ان کی تصاویر لینے کی کوشش کی، جس پر انہوں نے زوم نہ کرنے کا کہا۔

کرشمہ کی یہ بات کیمرے میں ریکارڈ ہوئی اور سوشل میڈیا پر وائرل ہوگئی۔ سوشل میڈیا پر لوگ اس پر تبصرے کر رہے ہیں۔

کچھ ناقدین کا کہنا ہے کہ کرشمہ اپنی عمر کے آثار چھپانے کی کوشش کر رہی ہیں۔ جبکہ مداح اسے پرائیویسی کا معاملہ قرار دے رہے ہیں۔

واضح رہے کہ کرشمہ کپور طویل عرصے بعد ٹی وی پر جج کی حیثیت سے واپسی کر رہی ہیں۔ یہ شو 9 مئی 2026 کو سونی ٹی وی پر نشر ہوگا۔