نئی دہلی: (رائیٹ ناوٴ نیوز) بھارت میں ٹی 20 ورلڈ کپ کے دوران نیوزی لینڈ اور کینیڈا کے میچ پر میچ فکسنگ کے سنگین الزامات سامنے آئے ہیں۔ انٹرنیشنل کرکٹ کونسل نے اس معاملے کی تحقیقات کا آغاز کر دیا ہے۔

کینیڈین کرکٹ ٹیم کے کپتان دلپریت باجوہ پر میچ فکسنگ اور لارنس بشنوئی گینگ سے روابط کے الزامات لگائے گئے ہیں۔ رپورٹس کے مطابق بشنوئی گینگ کا کینیڈین کرکٹ میں اثر و رسوخ ہے۔

آئی سی سی کی اینٹی کرپشن یونٹ نیوزی لینڈ کے خلاف کینیڈا کے گروپ اسٹیج میچ کی تحقیقات کر رہی ہے۔ اس میچ میں دلپریت باجوہ نے 5ویں اوور میں باؤلنگ کی اور 15 رنز دیے۔

یہ معاملہ اس وقت اہمیت اختیار کر گیا جب کرکٹ کینیڈا کے سابق کوچ خرم چوہان نے انکشافات کیے۔ انہوں نے دعویٰ کیا کہ انتظامی عہدیدار میچ فکسنگ کے لیے دباؤ ڈال رہے تھے۔

واضح رہے کہ لارنس بشنوئی گینگ پر ماضی میں بھی مختلف جرائم میں ملوث ہونے کے الزامات لگ چکے ہیں۔ اس معاملے نے ٹی 20 ورلڈ کپ کی شفافیت پر سوال اٹھا دیا ہے۔