نئی دہلی: (رائیٹ ناوٴ نیوز) للت مودی نے آئی پی ایل میں ایک ٹیم اونر پر کالا جادو کرنے کا انکشاف کیا ہے۔ ان کا دعویٰ ہے کہ 2011 میں ایک ٹیم مالک نے حریف ٹیم کے ڈریسنگ روم میں بھی ایسا کیا تھا۔

رواں سیزن میں سن رائزرز حیدرآباد اور چنئی سپر کنگز کے میچ کے دوران ایک ویڈیو وائرل ہوئی۔ ویڈیو میں ایک تماشائی لیموں کے ساتھ عجیب عمل کرتا نظر آیا، جسے کالے جادو سے تشبیہ دی گئی۔

تماشائی نے سن رائزرز حیدرآباد کے بیٹر شیوم ڈوبے کی طرف اشارہ کیا، جو کچھ لمحوں بعد بولڈ ہوئے۔ اس واقعے پر اسٹیڈیم میں جشن کا ماحول بن گیا۔

سابق چیئرمین للت مودی نے سوشل میڈیا پر کہا کہ یہ پہلا موقع نہیں، ماضی میں بھی ایسا ہوچکا ہے۔ ان کے مطابق 2011 کے سیزن میں بھی یہی عمل دہرایا گیا تھا۔

یاد رہے کہ آئی پی ایل میں اکثر اوقات ایسے تنازعات سامنے آتے رہے ہیں، جو کھیل کی شفافیت پر سوال کھڑے کرتے ہیں۔