تہران: (رائیٹ ناوٴ نیوز) ایرانی پارلیمنٹ کے اسپیکر محمد باقر قالیباف نے خبردار کیا ہے کہ اگر سمندری ناکہ بندی اور محاذوں پر جارحیت جاری رہی تو آبنائے ہرمز دوبارہ نہیں کھل سکتی۔ انہوں نے کہا کہ مکمل جنگ بندی بامعنی تب ہوگی جب یہ اقدامات نہ کیے جائیں۔

ان کا کہنا تھا کہ جنگ بندی کی کھلی خلاف ورزی کے باوجود آبنائے ہرمز کا کھلنا ممکن نہیں۔ قالیباف نے واضح کیا کہ ایسے حالات میں مکمل جنگ بندی کا تصور بے معنی ہو جاتا ہے۔

قالیباف نے مزید کہا کہ مخالفین فوجی جارحیت کے ذریعے مقاصد حاصل نہیں کر سکتے۔ انہوں نے کہا کہ دباؤ یا دھمکیوں سے کامیابی نہیں ملے گی، واحد راستہ ایرانی حقوق کا احترام ہے۔

یہ بیان ایسے وقت دیا گیا جب خطے میں جنگ بندی، سمندری ناکہ بندی اور آبنائے ہرمز کی بحالی پر سفارتی تناؤ جاری ہے۔

واضح رہے کہ آبنائے ہرمز دنیا کے اہم ترین تیل گزرگاہوں میں شامل ہے اور اس کی بندش عالمی معیشت پر اثرانداز ہوتی ہے۔