ممبئی: (رائیٹ ناوٴ نیوز) بالی ووڈ کی مشہور جوڑی دیپیکا پڈوکون اور رنویر سنگھ نے اپنے دوسرے بچے کی خوشخبری مداحوں کے ساتھ شیئر کر دی ہے۔ اس خبر کے بعد سوشل میڈیا پر مبارکبادوں کی بھرمار ہو گئی۔

دیپیکا اور رنویر نے اتوار کو اپنے انسٹاگرام پر ایک دلکش تصویر کے ذریعے دوسرے حمل کی تصدیق کی۔ تصویر میں ان کی بیٹی دوا ایک مثبت نتیجہ دکھانے والی پریگنینسی ٹیسٹ کٹ تھامے نظر آ رہی ہے۔

تصویر میں دیپیکا اور رنویر خود موجود نہیں تھے، صرف ان کی بیٹی کو نمایاں کیا گیا۔ یہ اعلان مزید خاص ہو گیا، تاہم بچے کی آمد کی تاریخ نہیں بتائی گئی۔

مداحوں نے کمنٹس میں خوشی کا اظہار کیا اور جوڑے کو مبارکباد دی۔ کچھ صارفین نے بچے کی جنس کے بارے میں قیاس آرائیاں بھی کیں۔

یاد رہے کہ دیپیکا اور رنویر نے 14 نومبر 2018 کو شادی کی تھی اور ستمبر 2024 میں اپنی پہلی بیٹی دوا کی پیدائش کا اعلان کیا تھا۔