ماسکو: (رائیٹ ناوٴ نیوز) وزیراعظم میاں محمد شہباز شریف جون میں روس کا دورہ کرنے کا امکان ہے اور اس موقع پر روسی صدر ولادیمیر پوتن سے ملاقات متوقع ہے۔

پاکستان کے سفیر فیصل نیاز ترمذی نے بتایا کہ دورے کی تاریخوں پر کام جاری ہے اور امید ہے کہ یہ اہم دورہ جون میں ممکن ہوگا۔

وزیراعظم شہباز شریف اس دورے کو تاریخی موقع سمجھتے ہیں اور روسی صدر کو عالمی رہنما کے طور پر دیکھتے ہیں۔

سفیر پاکستان نے مشرق وسطیٰ کی صورتحال پر گفتگو کرتے ہوئے کہا کہ پاکستان نے روس سے اسرائیل پر اثر و رسوخ استعمال کرنے کی درخواست کی ہے۔

واضح رہے کہ اسلام آباد اور ماسکو کے درمیان سفارتی چینلز ہمیشہ فعال رہے ہیں اور پاکستان خطے میں امن کے قیام کے لیے اپنا کردار جاری رکھے گا۔