لاہور: (رائیٹ ناوٴ نیوز) حال ہی میں ایک شادی کا دعوت نامہ سوشل میڈیا پر وائرل ہوا جس کی انوکھی عبارت نے توجہ حاصل کی۔ اس دعوت نامے میں کہا گیا ہے کہ سنت نبوی ﷺ کی پیروی کرتے ہوئے کھانے کا اہتمام نہیں کیا جائے گا۔

یہ اعلان سوشل میڈیا صارفین کے دل جیت گیا، جنہوں نے اسے تازہ ہوا کا جھونکا قرار دیا اور کہا کہ یہ یاد دہانی ہے کہ خوشی کے موقع پر دکھاوا ضروری نہیں، بلکہ نیت اور سادگی اہم ہیں۔

صارفین نے اس خاندان کی سادگی کی تعریف کی اور کہا کہ اگر ایسی سوچ فروغ پائے تو شادیوں میں فضول خرچی کم ہو سکتی ہے اور مذہبی و معاشرتی توازن بہتر ہو سکتا ہے۔

اس وائرل کارڈ نے سوشل میڈیا پر بحث چھیڑ دی ہے کہ موجودہ دور کی شادیوں میں مذہبی اصولوں، خاندانی روایات اور جدید ثقافت کے درمیان توازن کیسے پیدا کیا جا سکتا ہے۔