پمز سانحہ کے 8 معطل افسران کے نام ای سی ایل میں شامل کرنے کی سفارش، قانونی کارروائی جاری۔
اسلام آباد: (رائیٹ ناؤ نیوز) پمز سانحہ کے معاملے پر 8 معطل افسران کے خلاف سخت کارروائی کرنے کا فیصلہ کیا گیا ہے۔ ان افسران کے نام ایگزٹ کنٹرول لسٹ (ای سی ایل) میں شامل کرنے کی سفارش کی گئی ہے۔
ذرائع کے مطابق ان افسران کے خلاف فوجداری کارروائی مکمل ہوچکی ہے اور ان کے خلاف مقدمات درج کرنے کی منظوری دی گئی ہے۔ انکوائری کمیٹی نے ان افسران کے خلاف کارروائی کی سفارش کی تھی۔
وفاقی پولیس نے ان 8 افسران کے نام ای سی ایل میں شامل کرنے کی باضابطہ سفارش کردی ہے۔ ان معطل افسران میں پمز کے ایگزیکٹو ڈائریکٹر ڈاکٹر عمران سکندر بھی شامل ہیں۔
ذرائع کے مطابق ان افسران کے بیرون ملک جانے پر پابندی عائد کرنے کا فیصلہ کیا گیا ہے جبکہ ان کے خلاف قانونی کارروائی کو مزید آگے بڑھایا جائے گا۔
یاد رہے کہ سانحہ پمز کے ذمہ دار افسران کے خلاف یہ کارروائی متعلقہ حکام کی سفارشات کی روشنی میں کی جارہی ہے۔
