ممبئی: (رائیٹ ناؤ نیوز) ممبئی میں مراٹھی زبان کی اہلیت کی جانچ کا آغاز ہوا ہے۔ آٹو اور ٹیکسی ڈرائیوروں کو مراٹھی بولنے کی صلاحیت جانچنے کی وجہ سے مسافروں کو مشکلات کا سامنا کرنا پڑ رہا ہے۔

آر ٹی او کی جانچ کے باعث شہر میں ٹیکسیوں اور رکشوں کی کمی ہوگئی ہے۔ ڈرائیوروں نے تین روزہ ہڑتال شروع کی ہے، جس سے مسافروں کو دفاتر جانے میں وقت لگ رہا ہے۔

مہاراشٹر حکومت نے قانون میں ترمیم سے مراٹھی زبان کا علم لازمی قرار دیا ہے۔ مراٹھی نہ جاننے والے ڈرائیوروں کو ایک ماہ کی مہلت دی جا رہی ہے۔

حکام کا کہنا ہے یہ اقدام مسافروں کی سہولت اور مقامی ثقافت کے احترام کے لیے ہے۔ ڈرائیوروں کی رائے ہے کہ جانچ کے دوران نصاب سے باہر کے سوالات پوچھے جا رہے ہیں۔

یاد رہے کہ زیادہ تر ڈرائیور اتر پردیش اور بہار سے آتے ہیں۔ وہ ہندی بولنے والے مسافروں کے ساتھ ہندی میں بات کرتے ہیں۔ ڈرائیوروں کا کہنا ہے کہ انہیں زبان سیکھنے کے لیے مزید وقت دیا جائے۔