تہران: (رائیٹ ناؤ نیوز) نائب ایرانی وزیر خارجہ کاظم غریب آبادی نے کہا ہے کہ عمان کے ساتھ معاہدے کا مطلب آبنائے ہرمز کو فوری طور پر کھولنا نہیں ہے۔ ایران اور عمان کے مابین یہ معاہدہ حالیہ جنگوں کے بعد ہوا ہے۔

ایرانی حکام نے بتایا ہے کہ آبنائے ہرمز کے حوالے سے 40 روزہ جنگ کے بعد ایران کی توجہ اس علاقے کی جانب بڑھ گئی ہے۔ ایران کو بحری جہازوں کی نقل و حرکت سے نمایاں نقصان پہنچا ہے۔

کاظم غریب آبادی نے کہا کہ آبنائے ہرمز اب قومی سلامتی کا معاملہ ہے، اور عمان سے معاہدے کے مطابق خلیج فارس میں داخلے کا راستہ ایرانی حدود سے گزرے گا۔

یہ راستہ دو طرفہ موٹروے کی طرح کام کرے گا، جس کی چوڑائی 7 میل ہے۔ مزید کہا گیا کہ عارضی انتظام کے تحت ایران اور عمان کو 30 سے 60 دن میں مستقل راستے کیلئے مذاکرات کرنا ہوں گے۔

واضح رہے کہ آبنائے ہرمز کا جنوبی راستہ بند کرنے پر اتفاق ہو گیا ہے، جس سے ایران کی قومی سلامتی کی صورتحال بہتر ہوگی۔